بۆچى لەکاتى خەودا دەستت سڕ دەبێت؟

سڕبوونه‌وه‌و ئازاری‌ ده‌ست له‌کاتی‌ نووستن زۆر جار به‌هۆی‌ په‌ستانی‌ مه‌چه‌ک له‌سه‌رده‌ماری‌ نێوان مه‌چه‌ک و په‌نجه‌کانه‌وه‌ رووده‌دات.

نیشانه‌کانی‌ ئه‌م حاڵه‌ته‌:

1- سڕبوونه‌وه‌ له‌ده‌ست‌و په‌نجه‌کانه‌وه‌ جگه‌ له‌ په‌نجه‌ی‌ بچووک.

2- ئازارێک له‌ده‌سته‌وه‌ به‌ره‌و باسک.

3- زیادبوونی‌ سڕبوونه‌وه‌و ئازار له‌کاتی‌ شه‌وان، که‌ ده‌بێته‌ هۆی‌ بێ خه‌وی‌ (خه‌وزڕان).

4- ئازاره‌که‌ که‌م ده‌بێت له‌دوای‌ به‌رزکردنه‌وه‌ی‌ ده‌ست تا ئاستێکی‌ به‌رزتر له‌شه‌وه‌.

ئه‌م حاڵه‌ته‌ ئه‌گه‌ر چاره‌سه‌رنه‌کرا ده‌بێته‌ هۆی‌ لاوازی‌ ماسولکه‌کان له‌دوای‌ ماوه‌یه‌کی‌ درێژخایه‌ن. هه‌روه‌ها ئه‌و که‌سانه‌ که‌ زیاتر تووشی‌ ئه‌م کێشه‌یه‌ ده‌بن:

1- ئافره‌تی‌ ته‌مه‌نی‌ (40) بۆ (50) ساڵ.

2- ئافره‌تی‌ سکپڕ.

3- ئه‌و که‌سانه‌ن که‌ ئیشوکاریان له‌سه‌ر چاپکردن‌و کۆمپیوته‌ره‌.

4- که‌سانێکی‌ تووشبوو به‌هه‌وکردنی‌ جومگه‌کان (ڕۆماتیزم).

چاره‌سه‌رکردن:

1- که‌مکردنی‌ کێشی‌ له‌ش بۆ که‌سێکی‌ قه‌ڵه‌و.

2- به‌رزکردنی‌ ده‌ستی‌ تووشبوو به‌م حاڵه‌ته‌‌و دانانی‌ له‌سه‌ر سه‌رینێک که‌ ئاستی‌ به‌رزتر ده‌بێت له‌کاتی‌ نووستندا.

3- به‌ستنی‌ ده‌ست‌و مه‌چه‌ک به‌پارچه‌ په‌ڕۆیه‌کی‌ تایبه‌ت له‌کاتی‌ نووستن ئه‌م جۆره‌ په‌ڕۆیه‌ له‌ده‌رمانخانه‌کان ده‌ست ده‌که‌وێت.

4- ئه‌م کێشه‌یه‌ نامێنێت له‌ دوای‌ منداڵبوون له‌حاڵه‌تی‌ ئافره‌تی‌ سکپڕ.

5- ئه‌گه‌ر کێشه‌که‌ به‌رده‌وامبوو ده‌بێت پزیشک سه‌رپه‌رشتی‌ حاڵه‌ته‌که‌ بکات به‌پێدانی‌ ده‌رمان یان ده‌رزی‌ یان به‌نه‌شته‌رگه‌ری‌ له‌ هه‌ندێ حاڵه‌ت له‌دوای‌ نیشانه‌کردنی‌ جۆری‌ کێشه‌که‌ له‌گه‌ڵ به‌دواداچوونه‌وه‌.