به‌هۆی به‌رزبوونه‌وه‌ی ئاستی به‌رهه‌مهێنانی نه‌وتی،، له ساڵی 2012 ،، عێراق بۆته دووه‌م گه‌وره وڵاتی به‌رهه‌مهێنه‌ری نه‌وت له ریًَكخراوی ئۆپێك دوای سعودیه و جێگه‌ی ئێرانی گرتۆته‌وه .
له‌مبارییه‌وه ماڵپه‌ڕی رووسیا توده‌ی بڵاویكرده‌وه كه ئێستا عێراق رۆژانه سێ ملیۆن و په‌نجاوسێ هه‌زار به‌رمیل نه‌وت به‌رهه‌مده‌هێنێت و توانای به‌رهه‌مهێنانی نه‌وتی له‌مساڵدا به‌رێژه‌ی بیستوچوار له‌سه‌دا زیادیكردووه ، به‌مجۆره‌ش عێراق له ساڵی 2012 بووه دووه‌م گه‌وره وڵاتی به‌رهه‌مهێنه‌ری نه‌وت له ریًَكخراوی ئۆپێك دوای سعودیه .
لای خۆشیه‌وه ئێران كه دووه‌مین گه‌وره ولاتی به‌رهه‌مهێنه‌ری نه‌وته بوو له رێكخراوی ئۆپێك ، به‌هۆی چڕكردنه‌وه‌ی سزاكان له‌لایه‌ن خۆرئاوا له‌سه‌ر كه‌رتی نه‌وتی،، ئه‌و وڵاته، ئه‌و پێگه‌یه‌ی له ساڵی 2012 له‌ده‌ستدا و ئێستا ئێران پێنجه‌مین گه‌وره ولاتی به‌رهه‌مهێنه‌ری نه‌وته له رێكخراوی ئۆپێك .
Kurdish