وەزارەتی نەوتی عێراق بڕی نەوتی هەناردەكراوی مانگی ئابی بڵاوكردەوەو ئاشكراشیكرد داهاتی ئەو نەوتە نزیكەی 4 ملیار دۆلار بوە.
وتەبێژی وەزارەتی نەوتی عێراق عاسم جیهاد رایگەیاند “هەناردەكردنی نەوتی عێراق لە مانگی ئابدا بڕی 95 ملیۆن و447 هەزار بەرمیل بووە.
لەبارەی نرخی نەوتەوە عاسم جیهاد ئاماژەی بەوەكردوە” نرخی تێكڕای هەر بەرمیلێك نەوت لەو مانگەدا 40 دۆلار و598 سەنت بوە.
وتەبێژی وەزارەتی نەوت ئاشكراشیكردوە “داهاتی نەوتی فرۆشراوی ئەو مانگە بریتیە لە 3 ملیار و 874 ملیۆن دۆلار.
Kurdish