ئه‌نجومه‌نى وه‌زیرانی عێراق ڕه‌زامه‌ندیدا كۆمپانیاى نیشتمانیی نه‌وتی عێراق پشكى كۆمپانیاى ئیكسۆن مۆبیل له كێڵگه‌ى خۆرئاواى “گه‌رنه/1” بكڕێته‌وه.
میدیایی فه‌رمیى عێراق بڵاویكرده‌وه، ئه‌نجومه‌نى وه‌زیران له كۆبوونه‌وه‌ى ئه‌مڕۆیدا بڕیاریدا كه كۆمپانیاى نیشتمانیی نه‌وت، پشكى كۆمپانیاى ئیكسۆن مۆبیل له كێڵگه‌ى خۆرئاواى “گه‌رنه/1” بكڕێته‌وه.
“گه‌رنه” یه‌كێكه له كۆمپانیا گه‌وره‌كان یه‌ده‌گى نه‌وته‌كه‌ى زیاتر له 20 ملیار به‌رمیل نه‌وته و تواناى به‌رهه‌مهێنانى له ساڵى ڕابردوودا ڕۆژانه 500 هه‌زار به‌رمیل نه‌وت بووە.
خالید حه‌مزه به‌ڕێوه‌به‌رى كۆمپانیاى نه‌وتى به‌سره ساڵى ڕابردوو به ڕۆیته‌رزى ڕاگه‌یاندبوو، ئیكسۆن مۆبیل بڕیاریداوە پشكى خۆی به‌ڕێژه‌ى 32.7 % بفرۆشێت به به‌هاى 350 ملیۆن دۆلار.
Kurdish