به‌رێوه‌به‌رایه‌تی گشتی كاره‌بای گه‌رمیان رایگه‌یاند، هه‌وره بروسكه دوو هێڵی كاره‌بای له‌كارخستووه.
به‌پێی راگه‌یه‌نراوێكی به‌ڕێوه‌به‌رایه‌تییه‌كه، به‌هۆی به‌ركه‌وتی هه‌وره برووسكه له‌سه‌ر هێڵه‌كانی نێوان وێستگه‌ی (132) كه‌لار و وێستگه‌ی (33) شه‌هیدان، دوو فیده‌ری كاره‌با له‌كاركه‌وتوون.
ئه‌وه‌ش خراوه‌ته‌ڕوو، هه‌روه‌ها به‌هۆی به‌ركه‌وتنی هه‌وره بروسكه له‌سه‌ر هێڵه‌كانی وێستگه‌ی (132) كفری و ویستگه‌ی (33) كفری -سه‌رقه‌ڵا له‌كاركه‌وتووه.
به‌رێوه‌به‌رایه‌تییه‌كه ئاماژه‌ی به‌وه‌شداوه، له‌ئێستادا تیمه‌كانی به‌رێوه‌به‌رایه‌تی هێڵه‌كانی گه‌رمیان له‌هه‌وڵی چاره‌سه‌ركردنی كێشه‌كه‌دان.
Kurdish