ئاژانسى ستانده‌ر ئاند پورز بۆ پۆلینبه‌ندى دڵنیایی جه‌ختیكرده‌وه له‌سه‌ر پۆلینكردنى دڵنیایی ئابوورى عێراق له پله‌ى B- /B ده‌كاته‌وه و به گه‌شبینیشه‌وه ده‌ڕوانێته ئاینده‌ى ئابوورى عێراق و به‌سەقامگیرى داده‌نێت، به‌ڵام پێیوایه دابه‌زینى به‌رهه‌مى نه‌وت له 2017 كاریگه‌رى له‌سه‌ر گه‌شه‌ى ئابوورى ئەو وڵاتە ده‌بێت.
له راپۆرتێكدا كه رۆژى هه‌ینى 25ى ئاب بڵاویكردۆته‌وه، ستاندەر ئاند پورز ئاماژه‌به‌وه ده‌كات كه ئابوورى عێراق له ئاینده‌دا جۆرێك له سه‌قامگیریی به‌خۆیه‌وه ده‌بینێت، ئه‌گه‌ر له ساڵانى داهاتوودا حكومه‌ت به‌رده‌وام بێت له كۆنترڵكردنى بودجه.
ستاندەر ئاند پورز رونیشیكردۆته‌وه ئه‌و پۆلێنه له‌سه‌ر ئه‌و بنه‌مایه دانراوه كه به‌رهه‌مى نه‌وتى ژێرده‌سه‌ڵاتى حكومه‌تى فیدراڵى باش ده‌بێت.
Kurdish