دەستەی گشتی گومرگەكانی عیراق ئاشكرای دەكات، كۆی داهاتەكانی مانگی رابردووی ئەمساڵ زیاتر لە 68 ملیار دینار بووە.
(كازم عەلی عەبدوڵا) بەرێوەبەری دەستەی گشتی گومرگەكانی عیراق رایگەیاند، كۆی داهاتی گومرگەكانی وڵات بۆ مانگی كانونی دووەمی ساڵی 2017 گەیشتۆتە 68 ملیار و 645 ملیۆن دینار.
وتیشی، بەروارد بەداهاتی مانگی كانونی دووەمی ساڵی رابردوو كە 19 ملیار دینار بووە، داهاتەكانی ئەمساڵ زیاتر لە 49 ملیار دینار زیادیانكردوە.
دەستەی گشتی گومرگەكان بەپێی ئەو تەعریفە گومرگیەی بۆیان دیاریكراوە باج لەو كاڵاو شمەكانە وەردەگرێت كە هاوردەی وڵات دەكرێن.
Kurdish