وەزارەتی کشتوکاڵی حکومەتی هەرێم هاوردەکردنی بەرهەمی گەنمەشامی بۆ هەرێمی کوردستان قەدەغە دەکات.
بەپێی بڕیارێکی وەزارەتی کشتوکاڵ لەپێناو گەشەپێدان و بەبازاڕکردنی بەرهەمی ناوخۆ بڕیاریانداوە کە هاوردەکردنی گەنمەشامی بۆ ناو هەرێمی کوردستان قەدەغە بکات.
بەپێی ئاماری وەزارەتی کشتوکاڵ و سەرچاوەکانی ئاو، بەرهەمی گەنمەشامی لە شەش ساڵی رابردوودا لە هەرێمی کوردستان گەشەی بەرچاوی بەخۆوە بینیوە، بەجۆرێک بڕی بەرهەم لە سێ هەزار تۆنەوە بۆ 23 هەزار تۆن بەرزبووەتەوە.
Kurdish