تیمێك له‌زانایانی سه‌ر به‌زانكۆی نیوكاسلی ئوسترالیا رایانگه‌یاندوه ئه‌گه‌ر جگه‌ره له‌نێو پاكه‌تی نه‌رازێنراودا بفرۆشرێ به‌تایبه‌ت كه‌لۆگۆی تایبه‌تی كۆمپانیاكه‌ی له‌سه‌ر نه‌بێ، ئه‌وا زۆربه‌ی جگه‌ره‌كێشان ناتوانن جۆره‌كه‌ی بزانن و تێبگه‌ن كێ به‌رهه‌می هێناوه.
جێی باسه ئوسترالیه یه‌كه‌مین وڵاته كه‌له‌ساڵی 2012 ه‌وه رێگری له‌كۆمپانیاكانی به‌رهه‌مهێنانی جگه‌ره كردوه كه‌زانیاری و لۆگۆی كۆمپانیاكه‌یان له‌سه‌ر پاكه‌تی جگه‌ره بنوسن.به‌پێی زانیارییه‌كان پاكه‌تی جگه‌ره كاریگه‌ری هه‌یه له‌سه‌ر تێگه‌یشتنی جگه‌ره‌كێشه‌كه بۆ تام و چێژی جگه‌ره‌كه.له‌گه‌ڵ خستنه‌روی ئه‌و پاكه‌ته نوێیه‌دا هه‌ندێ له‌جگه‌ره‌كێشه‌كان رایانگه‌یاندوه كه‌تام و چێژی راسته‌قینه‌ی له‌ده‌ست داوه.
له‌وباره‌یه‌وه توێژه‌ر (ئایشلی گیلمه‌ر) رایگه‌یاندوه ئه‌م توێژینه‌وه‌یه راده‌ی كاریگه‌ری لۆگۆی كۆمپانیاكه له‌سه‌ر خه‌ڵك دروست ده‌كات، ئه‌مه‌ش هه‌نگاوێكه بۆ دووركه‌وتنه‌وه له‌جگه‌ره‌كێشان و وازهێنان له‌كێشانی.
Kurdish