ئیتر جزدانی پارەكانت ون نابێت

ژمارەیەك كۆمپانیای چینی ئامێرێكیان درووستكردووە لە جزداندا دادەنرێت بۆئەوەی لێت ون نەبێت و هەركات بتەوێت لەڕێگەی مۆبایلە زیرەكەكەتەوە دەیدۆزیتەوە و كەس ناتوانێت لێتبدزێت، داهێنانەكە لەشێوەی كارتی بانكیدایە و زۆر شوێن ناگرێت، هەروەها توانای هەیە پێتبڵێت چەندجار جزدانەكەت كراوەتەوە بۆئەوەی بزانیت كێ دەیكاتەوە و چی لێ دەكات ئەگەر لێت ون ببێت، ئەستووری ئامێرەكە (4.2) میلیمەتر دەبێت و چەند ڕەنگێكی دەستدەكەوێت، هاوكات ئامێرەكە لە ماوەیەكی نزیكدا دەكەوێتە بازاڕە جیهانییەكانەوە و نرخەكەی (39) دۆلاری ئەمەریكییە.

جاك هوی سەرپەرشتیاری ئەو داهێنانە ڕایگەیاند ” ئامێرەكە زۆر ناوازەیە و ئەگەر لێت دووربكەوێتەوە نامە بۆ مۆیالەكەت دەنێرێت و ئاگادارت دەكاتەوە، بەنیازین كاری زیاتری تێدابكەین و جزدانێك درووستبكەین كە خۆی لە ون بوون بپارێزێت.”