به‌هۆی به‌رزبوونه‌وه‌ی ئاستی قازانج،كۆمپانیای گوگڵ چوار به‌ڕێوه‌به‌ری پاداشت ده‌كات

كۆمپانیای ئینته‌رنێتی گوگڵ، كه‌ یه‌كێكه‌ له‌كۆمپانیا زلهێزه‌كانی تۆڕی گه‌ڕانی ئه‌لیكترۆنی، بۆ یه‌كه‌مجار له‌ساڵی2012  قه‌باره‌ی 50 ملیار دۆلاری له‌بواری بازرگانی  تێپه‌ڕاند ‌و رێژه‌ی قازانجیشی گه‌یشته‌ 10%، به‌بڕی‌ 10 ملیارو 74 ملیۆن دۆلاری ئه‌مه‌ریكی.

هه‌ریه‌ك له‌ به‌ڕێوه‌به‌ری گرووپه‌كه‌ به‌بڕی 6 ملیۆن دۆلار، به‌ڕێوه‌به‌ری یاسایی به‌ نزیكه‌ی 3.5 ملیۆن‌ دۆلار و به‌ڕێوه‌به‌ری دارایی گوگڵ نزیكه‌ی 3 ملیۆن دۆلار خەڵات دەکرێن،  دوایین كه‌سیش جێگری سه‌رۆكی ئه‌و كۆمپانیایه‌ کە ئه‌و به‌خشینه‌ی به‌رده‌كه‌وێت.

كۆمپانیای گوگڵ‌ له‌بواری ئینته‌رنێت ‌و سیسته‌می گه‌ڕان به‌دوای سه‌رچاوه‌ی ئه‌لیكترۆنیدا، له‌سه‌ر ئاستی جیهانی پله‌ی‌ یه‌كه‌می تۆماركردوه ‌و ساڵانه‌ش نوێگه‌ری به‌سیسته‌می كاركردنی خۆیدا دێنێت.