نرخی دۆلار دابەزی

ئەمڕۆ دووشەممە بەهای دۆلاری ئەمریكی بەرامبەر بە دیناری عێراقی دابەزی.

دوای ئەوەی لە چەند رۆژی رابردوودا بەهای دۆلاری ئەمریكی بەرزترین ئاستی تۆماركرد و بەهای 100 دۆلار 150 هەزار دیناری تێپەڕاند، ئەمڕۆ بەهای دۆلار دابەزی و 100 دۆلار بە كەمتر لە 150 هەزار دینار ئاڵوگۆڕی پێدەكرێت.

لە بازاڕەكانی هەرێمی كوردستان، ئەمڕۆ بەهای 100 دۆلاری ئەمریكی بەرامبەر بە 149 هەزار و 900 دیناری عێراقییە.

بەرزبوونەوەی بەهای دۆلار بەهۆی كەمیی خستنەڕووی دۆلار لەلایەن بانكی ناوەندی و زۆریی خواستەوە بوو، بەڵام بانكەكە جەختیكردەوە كە رێكار دەگرێتەبەر بۆ گەڕاندنەوەی هاوسەنگی بۆ بەهای دراوەكان و لە رێگەی زیادكردنی فرۆشەوە، نرخەكان جێگیردەكاتەوە.نرخی دراوه‌كان به‌كڕینی كۆ (جومله)

100 دۆلار به‌ 149 هەزار 900 دیناره‌.
100 پاوه‌ن بە 183 هەزار دیناره.
100 یۆرۆ به‌ 157 هه‌زار دیناره‌.
100 لیره‌ی توركی به‌ 8 هه‌زارو 150 دیناره‌.
100 هه‌زار تمه‌ن به‌ 4 هه‌زارو 50 دیناره‌.