دكتۆر رێكەوت حەمە رەشید وەزیری تەندروستی حكومەتی هەرێم لەكۆنگرەیەكی رۆژنامەوانیدا رایگەیاند لەپێناو دۆزینەوەی هەلی كار بۆ دەرچووانی كۆلیژەكانی كیمیا و بایلۆجی و پسپۆڕی تاقیگەیی كەماوەی چەند ساڵیكە بەهۆی قەیرانی داراییەوە دانەمەزراون چەند رێنماییەكیان دەركردووە , بەپێی رێنمایەكانیش دەرچووانی ئەم بەشانە مۆلەتی پیشەییان پێَ دەدرێت , بە مەرجێك بۆ ماوەی یەك ساڵ بەرەسمی و بەشێوەی خۆبەخش لەنەخۆشخانە فێركارییەكانی حكومەت كاربكەن.
هەروەوها دەبێ لەو ماوەیەدا بەشداری لە خولی تاقیگەكان بكەن كە لە لایەن وەزارەتی تەندروستییەوە دەكرێتەوە, هەروەها سێ ساڵ خزمەتیشیان هەبێت لەكەرتی تایبەت و پابەند بن بەتاقیكردنەوەكانی تیۆری و كرداری بەمەبەستی بەدەستهێنانی مۆڵەتی پیشەیی .
Kurdish