ئەندامێكی پەرلەمانی عێراق رایدەگەیەنێت” بانكی ناوەندی عێراقی پێیان راگەیاندوە كە لە دوومانگی داهاتودا دراوی جۆری 50 هەزار دیناری دەخەنە بازاڕەكانەوە.
نەجیبە نەجیب ئەندامی لیژنەی ئابوری و وەبەرهێنان لەپەرلەمانی عێراق لەلێدوانێكی رۆژنامەوانیدا رایگەیاند ” سەردانی بانكی ناوەندی عێراقی كردوەو لەگەڵ بەرپرسانی بانكەكەدا كۆبوەتەوە”.
بەوتەی ئەو پەرلەمانتارە لەكۆبونەوەكەدا بەرپرسانی بانكی ناوەندی عێراقی وتویانە لەئێستادا كارەكانی بەچاپ گەیاندنی دراوی جۆری 50 هەزار دیناری لەكۆتاییدان و لە ماوەی دوو مانگی داهاتودا ئەودراوە دەخەنە بازاڕەكانەوە.
جێی ئاماژەیە بڕیارە دراوی جۆری 50 هەزار دیناری عێراقی لەپاڵ زمانی عەرەبیدا زمانی كوردیشی لەسەر بێـت.
Kurdish