لیژنەی باڵەخانەكانی سەربە لیژنە هاوبەشەكانی قائیمقامییەتی سلێمانی ئاماری كارو چالاكییەكانی لەمساڵدا بۆ رای گشتی بڵاودەكاتەوە.
بە پێی راپۆرتی لیژنەكە لە بەرواری 1/1/ تاوەكو 1/3/2015 ، لەسەدا %37 باڵەخانەكان كە دەكاتە 86 شوێن سەرجەمیان مەرج و رێنماییەكانی سەلامەتی بەرگری شارستانیان جێبەجێكردووەو سیستمی كارەبای باڵەخانەكانیشسیان بە شێوەیەكی گونجاو دانراون.
هەر بەپێی راپۆرتەكە لەسەدا %63 ی باڵەخانەكان سیستمی كارەباو مەرجەكانی سەلامەتی و بەرگری شارستانیان تێدا نییە.
لەو بارەیەوە نیگار محەمەد سەرۆكی لیژنەی باڵەخانەكان رایگەیاند: لە كۆی 225 سەردان تەنها 87 شوێن پابەندی مەرج و رێنماییەكان بوون و 142 شوێنیش ئاگاداركراونەتەوە كە لەماوەیەكی دیاریكراودا مەرج و رێنماییەكان جێبەجێ بكەن.
سەرۆكی لیژنەكە ئاماژەی بەوەش كرد كە هیچ شوێنێك بە هۆی سەرپێچیەوە دانەخراون و كەسیش رووبەرووی دادگا نەكراوەتەوە.
گەران و بەسەركردنەوەی باڵەخانەكان لە سەرفەرمانی قائیمقامی سلێمانی بەردەوامە و ئامانجیش لەم سەردانكردنانە پابەندبوونی سەرجەم بیناو باڵەخانەكانە بە مەرج و رێنماییەكانی سەلامەتی و بەرگری شارستانی.
Kurdish