ئەمە نوێترین بەرهەمی نۆكیایە

تابلێتە نوێیەكەی نۆكیا ناوی (Nokia N1)ی لێنراوە و بە ئۆپەرەیتینگ سیستمی ئەندرۆید كاردەكات.

بەرهەمە نوێیەكەی نۆكیا شێوەی لە ئایپاد مینی دەچێت، بەڵام لەو تەنكترە (6.9 ملیمەتر) و كێشی كەمترە (319 گرام)، قەبارەی شاشەكەی (7.9) ئینچە و وردی (2048 بە 1356) دەخرێتە بەردەست.

نۆكیا ئێن وەن، سیستمی ئەندرۆیدی (5.0) لەسەر دادەنرێت، پرۆسێسەرەكەی لە جۆری (ئەنتڵ ئەتۆم زێد 3580) یە بە لەرەلەری (2.4) كێگاهێرتز، رامەكەی (2) كێگابایتە و هاردەكەشی (32) كێگایە، شوێنی میمۆریشی نییە.

كامێرای پشتەوەی (8) مێگا پیكسڵە و كامێرای پێشەوەی (5) مێگایە، ئەوەش گونجاوە بۆ گرتنی وێنەی سێڵفی.

قەباغەكەی تەواو ئەلەمنیۆمە، وای فای و بلوتوس (4.0) كارپێدەكات و دەنگەوەرەكانیشی ستریۆن.

نرخی تابلێتە نوێیەكەی نۆكیا لە یەكەم خستنە بازاریدا تەنها (249) دۆلار دەبێت، ئەوەش نرخێكی هاندەرە بۆ ئەوانەی دەیانەوێت تابلێتێكی لەو جۆرە بكڕن.