ژوری بازرگانی سلێمانی بەبڕی زیاتر لە 200 ملیۆن دینار هاوكاری پێشمەرگە و ئاوارەكان دەكات

سیروان محەمەد سەرۆكی ژوری بازرگانی و پیشەسازی سلێمانی لە لێدوانێكدا بە سایتی ژوری ڕایگەیاند” لە 16/6/2014 ژوری بازرگانی و پیشەسازی سلێمانی دەستیكردووە بە كۆكردنەوەی هاوكاری بۆ هێزەكانی پێشمەرگە كە ژمارەیەكی زۆر بازرگانان تا ئێستاش بەردەوام هاوكاری دەگەیەنن” .

وتیشی” ئەو هاوكاریانەی كۆكراونەتەوە تا ئێستا بە بڕی 200 ملیۆن دینار پارە كۆكراوەتە و 50 تۆن خواردن ، 40 کارتۆن مەعکەرۆنی و چەندین كەلو پەل و پێداویستی خۆراك و شمەكی دیكە گەیەندراونەتە دەست هێزەكانی پێشمەرگە و بەشێك لەو ئاوارانەی  ئێستادا لەسنوری پارێزگای سلێمانی نیشتەجێن”.

سەرۆكی ژوری بازرگانی ئاماژەی بەوەدا توانیویانە درع و جلوبەرگی تایبەتیش بۆ هێزی فریاكەوتن و كارمەندانی تەندروستی ئامادەبكەن و لە ئێستاشدا سەرقاڵی ئامادەكردنی بڕێكی زۆر لە قەمسەڵەی سەربازین كە لەم وەرزی سەرمایەدا پێشمەرگەكان پێویستیانە.

سیروان محەمەد جەخت لەوە دەكاتەوە كە كۆكردنەوەی هاوكاری بەردەوامی دەبێت و بازرگانانی سلێمانی لەگەڵ ئەو قەیرانە داراییەی ڕوی تێكردون بەڵام بەوپەڕی توانایانەوە بەدەم ئەم كۆكردنەوەی كۆمەكەوە دێن و هاوكاری پێشكەشی هێزی پێشمەرگە و ئاوارەكان دەكەن.

تەواوی ئەو خۆراك و برەی لە 16/6/2014 تا 15/10/2014 گەشتۆتە ژوری بازرگانی و پیشەسازی سلێمانی

 

50 تۆن خۆراک 

1-(11448) كیس ئاوی ئاڵا

2- (348) فەردە برنج

3-(300) كارتۆن صابون

5-(40) لێفە 

6-(2000) كارتۆن نان 

7-(1) كابینە

8-(20) كارتۆن شیری دیالاك

9-(60) كارتۆن دایبی  

10-(15) كارتۆن زەیت

11-(15) كارتۆن دۆشاوی تەماتە

12-(15) كارتۆن ئارد

13-(40) كارتۆن مەعكەرۆنە.

14-(20) كارتۆن نیسك

15-(15) كارتۆن مرەبای سێو

16-(20) كارتۆن مەعكەرۆنە 

17-(348) فەردە برنج

18-(30) فەردە نۆك 

19-(310) كیسەی دەبڵ دایبی دۆلڤین

20-(750) فەردە خۆراك جۆراو جۆر

21-(300) بەتانی

22-(75) كارتۆن هێلكە

 23-(100)كارتۆن پسكیت