دەسەڵاتی فرۆكەوانی مەدەنیی توركیا دەستپێكردنەوەی گەشتە ئاسمانییەكانی لەگەڵ عێراق راگەیاند و بڕیارە ئەمڕۆ هەینی گەشتەكان دەست پێ بكەنەوە.
دوێنێ پێنجشەممە 24-9-2020 دەسەڵاتی فرۆكەوانی مەدەنیی توركی لە راگەیەنراوێكدا بڵاویكردووەتەوە: ڕۆژی هەینی 25-9-2020 گەشتە ئاسمانیەكانی نێوان عێراق و توركیا دەستپێدەكاتەوە و لە هەفتەیەكدا چوار گەشت ئەجام دەدرێن.
ئاماژەی بەوەشكرد: رێگە بە كۆمپانیا توركیی و عێراقییەكان دەدرێت گەشتەكانیان بۆ فرۆكەخانەكانی عێراق و توركیا دەستپێبكەنەوە.
ئەوەش لەكاتێكدایە، بەهۆی بڵاوبوونەوەی ڤایرۆسی كۆرۆناوە گەشتە ئاسمانییەكانی عێراق و توركیا هەڵپەسێردران، دواتریش بەهۆی گرژییەكانی نێوان عێراق و توركیا بەهۆی بۆردومانەكانی توركیا بۆسەر سنورەكانی هەرێم دەستپێكردنەوەی گەشتەكان دواخران.
Kurdish