لێچونی ئاوی هەیە

سایتی‌ CNN بڵاویكرده‌وه‌، كۆمپانیای‌ GMC به‌هۆی‌ بوونی‌ كێشه‌ی‌ ته‌كنیكیه‌وه‌ له‌ئۆتۆمبیله‌كانیاندا، (194) هه‌زار ئۆتۆمبیل له‌بازاڕه‌كانی‌ جیهاندا ده‌كێشێته‌وه‌، كێشه‌كانیش دزه‌ كردنی‌ ئاوه‌ بۆ هه‌ندێك پارچه‌ی‌ كاره‌بایی‌ ئۆتۆمبیله‌كان‌و له‌كاركه‌وتنی‌ ئه‌و پارچانه‌.

سایته‌كه‌ باسی‌ له‌وه‌شكردووه‌، ڕه‌نگه‌ ئه‌و كێشه‌یه‌ كۆمپانیاكه‌ ڕوبه‌ڕوی‌ دادگا بكاته‌وه‌ چونكه‌ مه‌ترسی بۆ سه‌لامه‌تی‌ به‌كارهێنه‌رانی‌ هه‌یه‌‌و ئه‌و كێشه‌ ته‌كنیكیانه‌ له‌ئۆتۆمبیله‌كانی‌ هه‌مان كۆمپانیادا مۆدێلی‌ (2006) به‌دی‌ كراوه‌‌و له‌ مۆدێلی‌ (2012)دا دوباره‌ كراوه‌ته‌وه‌.

كۆمپانیای‌ GMC كۆمپانیایه‌كی‌ به‌ناوبانگه‌ له‌به‌رهه‌مهێنانی‌ ئۆتۆمبیلدا، به‌ڵام ئه‌م كۆمپانیایه‌ش وه‌ك كۆمپانیاكانی‌ تری‌ ئۆتۆمبیل دوور نیه‌ له‌كێشه‌ی‌ ته‌كنیكی‌ له‌ئۆتۆمبیله‌كانیدا.