بە بەشدارى زياتر لە ١٥٠ كۆمپانياى جۆراوجۆرى ئێرانی، گەورەترين پێشانگاى تايبەتى كۆمارى ئيسلامى ئێران لە سلێمانى كرایه‌وه.
پێش نیوه‌رۆی ئه‌مرۆ به به‌شداری كه‌مال موسلیم وه‌زیری بازرگانی و پیشه‌سازی حكومه‌تی هه‌رێم و هه‌ڤاڵ ئه‌بوبه‌كر، پارێزگاری سلێمانی، سیروان محه‌مه‌د، سه‌رۆكی ژووری بازرگانی و پیشه‌سازی سلێمانی و ژماره‌یه‌ك له ئه‌ندامانی ئه‌نجومه‌نی كارگێری ژوور و ئیره‌ج مه‌سجدی، باڵوێزی كۆماری ئیسلامی ئێران له به‌غدا و مه‌هدی شوته‌ری كنوسوڵی ئێران له سلێمانی، گەورەترين پێشانگاى تايبەتى كۆمارى ئيسلامى ئێران لە سلێمانى كرایه‌وه.
له پێشه‌نگاكه‌دا چه‌ندین جۆر كه‌ره‌سته و كاڵای كوالێتی به‌رز له‌بواره‌كانی پيترۆكیمیاي , پيشەسازى , كشتوكاڵى , خۆراكى , مۆبيليات و كەرەستەى ناو ماڵ و بيناسازى نمایش ده‌كرێت.
كه‌مال موسلیم، وه‌زیری بازرگانی و پیشه‌سازی هه‌رێمی كوردستان له وته‌یه‌كدا ڕایگه‌یاند “له‌نێوان هه‌رێمی كوردستان و كۆماری ئیسلامی ئێران په‌یوه‌ندیه بازرگانیه‌كان به‌رده‌وامی هه‌یه وه له‌ئێستادا ٣٥٠ كۆمپانیای ئێران له هه‌رێم به‌فه‌رمی تۆماركراون”.
وتیشى: “به‌ته‌نها له‌ساڵی ٢٠١٩ به‌به‌های شه‌ش ملیار و ٥٠٠ ملیۆن دۆلار ئاڵوگۆڕی كاری بازرگانی و پیشه‌سازی ئه‌نجامدراوه”.
ئاماژه‌ی به‌وه‌شدا ده‌ستخۆشی له‌و به‌رێزانه ده‌كه‌ین كه ئه‌م پێشه‌نگایه‌یان كردۆته‌وه، له به‌رپرسانی ئێرانیش داواكارین له پێشه‌نگاكانی وڵاتی ئه‌راندا بازرگانان و خاوه‌نكارانی كوردستان بانگێشت بكه‌ن و شوێنی تایبه‌ت بۆ ئه‌و كاڵاو شتومه‌كانه دابنێن كه له هه‌رێمی كوردستان به‌رهه‌م یه‌ت.
Kurdish