عێراق فرۆشی نەوت دەگەیەنێت بە سەرووی 4.5 ملیۆن بەرمیلی ڕۆژانە

لە دوو ڕۆژی ڕابردوودا ڕێكخراوی ئۆپیك بڕیاری دا مانگی داهاتوو نەوتی هەناردەكراو بە بڕی 432 هەزار بەرمیلی ڕۆژانە زیادبكات و ئەو زیادكردنەش بە بڕی جیاواز بەسەر وڵاتانی ئەندامی ڕێكخراوەكەدا كە عێراق یەكێكیانە دابەشدەكرێت.

بەپێی بڕیارەكە، عێراق ڕۆژانە 48 هەزار بەرمیل نەوتی زیاتر هەناردەی بازاڕەكانی جیهان دەكات و بەوەش نەوتی هەناردەكراوی دەگات بە چوار ملیۆن و 509 هەزار بەرمیل لە ڕۆژێكدا.

ئەم مانگەش عێراق ڕۆژانە چوار ملیۆن و 461 هەزار بەرمیل نەوت دەفرۆشێت و ئەوەش 95 هەزار بەرمیلی ڕۆژانەی زیاترە بە بەراورد بە مانگی نیسانی ڕابردوو.