بانكی ڕافیدەینی عێراقی ئەمڕۆ قەرزرێكی دیكەی 50 ملیۆن دیناری بۆ دوو توێژ ڕاگەیاند.
بانكی ڕافیدەین لە ڕاگەیەندراوێكدا ئاماژەی بەوەكردووە، بڕیارمانداوە بە پێدانی قەرزی 50 ملیۆن دیناری بۆ فەرمانبەران و كارمەندانی وەزارەتەكانی ناوخۆ و بەرگری.
ڕوونیشیكردووەتەوە، پێدانی قەرزەكەی ئەمجارە بۆ ماوەی پێنج ساڵە و ڕێژەی سوودی بە تەنها 4% دیاریكردووە.
بانكەكە باسیلەوەشكردووە، ئەولەویەتی وەرگرتنی قەرزەكە بۆ ئەو فەرمانبەرانەیە، كە هەڵگری كارتی زیرەكی (ماستەر كارت)ن و دەكرێت عێراقییەكان لە لقی بانكەكە لە بەغدادی پایتەخت و پارێزگاكانی دیكە مامەڵەی وەرگرتنی قەرزەكە بكەن.
قەرزەكەی بانكی ڕافیدەین هەرێمی كوردستان ناگرێتەوە، بەهۆی ئەوەی تا ئێستا ئەو بانكە لقی لە هەرێمی كوردستان نیە.
Kurdish