بە گوێرەی نوسراوێکی ئەنجومەنی بازارەکانی دراو کە وێنەیەکی بۆ ژووری بازرگانی‌و پیشەسازی سلێمانی نێردراوە، سەرجەم کۆمپانیاکانی دراو ئاگادار دەکرێنەوە کە تەنها ماوەیەکی کەم ماوە بۆ یەکگرتنیان لە فیتەی (A-B) واتە هەر پێنج کۆمپانیا یان دە کۆمپانیا یەک بگرن ٢٠٢٣/٣/١ کۆتا بەروارە.
لە نوسراوەکەدا ئاماژە بەوەشداوە، لە دوای ٢٠٢٣/٣/١ بەگوێرەی ڕێنماییەکانی بانکی ناوەندی هەرێم لقی سلێمانی‌و بانکی کوردستان کۆمپانیاکانتان هیچ بەهایەکی نامێنێت، واتە وەکو ئەوە وایە هیچ شتێکتان نەبێت بە ناوی کۆمپانیای ئاڵوگۆڕی دراو، بەرپرسیاریەتی لە ئەستۆی خۆتانە .
بانكی ناوەندی داوای كردبوو هەر پێنج یان 10 كۆمپانیا و نووسینگە پێكەوە سەرمایەكەیان یەك بخەن، ئەوەش لە چوارچێوەی بانكێك و ئەوانیش دۆلاریان لە بانكی ناوەندی بە راستەوخۆ پێ دەدرێت، جەبار گۆران، وتەبێژی بازاڕی دۆلارەكەی سلێمانی پێی راگەیاندین ”زیاتر لە 70 كۆمپانیا و نووسینگە بەشی زۆری رێكارەكانیان تەواو كردووە، كۆمپانیا هەیە هەموو مەرجەكانی رێك كردووە و هیچی نەماوە، تەنیا چاوەڕێی ئەوە دەكەین دۆلار بە نرخی بانكی ناوەندی بەو كۆمپانیایانە بفرۆشرێت و ئەوانیش بە نرخی 1320 دینار بیخەنە بازاڕەوە، هیوادارم لە زووترین كات ئەوە جێبەجێ بكرێت”.
Kurdish