ئەمڕۆ دووشەممە بەهای دۆلاری ئەمریكی لە بازاڕەكانی هەرێمی كوردستان و عێراق بەرزبوونەوەیەكی بەرچاوی تۆماركرد.
بەهای 100 دۆلاری ئەمریكی لە كەركوك گەیشتە 155 هەزار دینار و لە سلێمانی 154 هەزار و 900 دینارە. لە هەولێر بەهای 100 دۆلاری ئەمریكی بەرامبەر بە 154 هەزار و 800 دینارە، لە دهۆكیش 100 دۆلار بە 154 هەزار و 850 دینارە.
هاوكاتی بەرزبوونەوەی بەهای دۆلار لە شارەكانی هەرێمی كوردستان، لە بۆرسەی بەغداد 100 دۆلاری ئەمریكی بەرامبەر بە 154 هەزار و 750 دینارە و لە بەسڕە 100 دۆلار بە 154 هەزار و 850 دینارە.
بەرزبوونەوەی ئەمدواییەی بەهای دۆلار، بەهۆی راگرتنی فرۆشتنی دۆلار لە لایەن بانكی ناوەندییەوەیە كە بەهۆی پشووی رۆژانی رابردووەوە پرۆسەكە راگیرابوو، سەرباری ئەو كەمبوونەوەیەی لە ماوەی رابردوودا لە خستنەڕووی دۆلاردا سەریهەڵدا و بووەهۆی بەرزبوونەوەی بەهاكەی لە بەرامبەر دیناری عێراقیدا.
Kurdish