ھەموو ساڵێک لە چواردەی تشرینی دووھەمدا ساڵیادی شاری سلێمانی دەکرێتەوە، ئەمساڵ ٢٣٣ ساڵ بەسەر دروستکردنی شاری سلێمانیدا تێدەپەرێت.
شاری سلێمانی لەساڵی ١٧٨٤ لەلایەن ئیبراھیم پاشایی بابانەوە دورستکراوە، مێژوونوسان ئاماژە بۆ ئەوە دەکەن کە کاتی دروستکردنی شارەکە لەناوەراستی پایز و مانگی یانزەدا بووە.
شاری سلێمانی کەپایتەختی میرنشینی بابان بووە، بەدرێژایی زیاتر لە ٢٠٠ ساڵە مەڵبەندێکێ گرنگی ئەدەب و رۆشنبیری، ئابووری و بازرگانی، خەباتی سیاسی بووە. ئێستا سلێمانی بە پایتەختی رۆشنبیری دادەنرێت.