پارێزگاری سلێمانی سوپاس و دەستخۆشی خۆی گەیاندە ستاف و كارگوزارو هەوڵی لایەنەكان بۆ هەڵمەتی پڕۆسەی قیرتاو كردنی شەقامەكانی سلێمانی.
ماوەی چەند ڕۆژێكە لە سلێمانی هەڵمەتی قیرتاوكردن و چاككردنەوەی چاڵ و چۆڵی شەقامەكان دەستیپێكردووەو تیمەكانی سەرۆكایەتی شارەوانی سلێمانیش بەهاوكاری لایەنەكان هەڵمەتی قیرتاوەكردنی شوێن و شەقامەكان ئەنجام دەدەن.
لە سەردانێكی مەیدانیشدا دكتۆر ئاسۆ فەرەیدون پارێزگاری سلێمانی بۆ لای ئەو ستافانەی هەڵمەتی قیرتاوكردنەكەیان ئەنجامدا ئاماژەی بەوەكرد: لەگەڵ بوونی قەیرانی دارایی، بەڵام هەوڵەكان بۆ خزمەتكردنی شاری سلێمانی بەردەوام دەبێت.