بڕیارده‌ری لیژنه‌ی دارایی له‌په‌رله‌مانی عیراق رایگه‌یاند، له‌بودجه‌ی گشتی ساڵی 2017 ی عیراقدا بڕێك پاره بۆ ئاوه‌دانكردنه‌وه‌ی پارێزگای هه‌ڵه‌بجه ته‌رخان كراوه.
ئه‌حمه‌دی حاجی ره‌شید بڕیارده‌ری لیژنه‌ی دارایی له‌په‌رله‌مانی عیراق له‌تۆڕی كۆمه‌ڵایه‌تی فه‌یسبوكی تایبه‌تی خۆی نوسیویه‌تی، له‌یاسای بودجه‌ی عیراقدا بڕی (١٥٠٠٠٠٠٠٠٠) ملیارێك و پێنج سه‌د ملیۆن دینار بۆ ئاوه‌دان كردنه‌وه‌ی هه‌ڵه‌بجه ته‌رخان كراوه.
ئه‌حمه‌دی حاجی ره‌شید ئه‌وه‌شی خستوه‌ته‌ڕوو: وه‌ك بڕیارده‌ری لیژنه‌ی دارایی له‌په‌رله‌مانی عیراق به‌ڵێنی پێش وه‌ختشم له‌فازل نه‌بی بریكاری وه‌زاره‌تی دارایی عیراق وه‌رگرتووه كه بودجه په‌سه‌ند كرا ده‌ستبه‌جێ ئه‌و بڕه پاره‌یه بنێدرێت بۆ پارێزگای هه‌ڵه‌بجه.