خانه‌ی ئیتاڵیی جۆچی بۆ جلوبەرگ، رایگەیاندووە، چیتر پێستی ئاژەڵان لە بەرهەمەکانیدا بەکاری ناهێنێت.
ئەو بڕیارە نوێیەی خانەکە لە ساڵی داهاتووەوە جێبەجێ دەکرێت و ئێستا بە دوای ماددەیەکی جێگرەوەی پێستی سرووشتیدا دەگەڕێت.
ئەم بڕیارە لە کاتێکدایە کە رێکخراو و چالاکوانانی پاراستنی ئاژەڵان هەوڵی زۆر دەدەن بۆ رێگەگرتن لە بازرگانی کردن بە پێستی ئاژەڵان و بەکارهێنانی لە بواری جلوبەرگدا.
جۆچی، بەشێکە لە گەورە کۆمپانیای جلوبەرگی هیرینج کە بارەگای سەرەکی لە پاریسە.