به‌هۆی رووداوه‌كه‌ی دوێنی شه‌وی شاری لاس فیگاس كه تێیدا زیاتر له 50 كه‌س كوژران و 400 تریش برینداربوون، ئه‌مڕۆ 2/10/2017 پشكی كۆمپانیا ئه‌مریكاییه‌كانی دروستكردنی چه‌ك به‌رزبوونه‌وه‌ی به‌رچاوی به‌خۆوه بینی.
تۆڕی هه‌واڵی CNBCی ئه‌مریكی بڵاویكردووه‌ته‌وه، پشكی كۆمپانیا ئه‌مریكاییه‌كانی دروستكردنی چه‌ك وه‌ك (Sturm Ruger ، American Outdoor Brands) به‌ڕێژه‌ی 4% بۆ 5% به‌رزبوونه‌وه‌ی به‌خۆوه بینیوه.
ئه‌وه‌شی ئاشكراكردووه: شاره‌زایان پێیان وایه به‌رزبوونه‌وه‌ی ئه‌و رێژه‌یه له‌پشكی كۆمپانیاكانی دروستكردنی چه‌ك، بۆ خواستی كڕینی چه‌كی سوك دێت كه له‌لایه‌ن هاووڵاتیانه‌وه بۆ به‌رگری كردن له‌خۆیان ده‌یكڕن و داوایده‌كه‌ن.
ئاژانسه‌كه ئه‌وه‌شی رونكردووه‌ته‌وه: شاره‌زایان پێیان وایه یاسای هه‌ڵگرتنی چه‌ك له ویلایه‌ته یه‌كگرتووه‌كانی ئه‌مریكا پێویستی به‌چاو پێداخشانه‌وه‌و توندكردنه‌وه هه‌یه.
PUKmedia
