وەزارەتی دارایی هەرێم لیستی نوێی دابەشكردنی مووچەی مانگی 10ی ساڵی رابردووی چەند وەزارەتێكی راگەیاند و بەپێی لیستەكەش لەسەرەتای هەفتەی داهاتووەوە دەست بەدابەشكردنی مووچەكانیان دەكرێت.
لەو بارەیەوە وەزارەتی دارایی هەرێم لە راگەیەندراوێكیدا ئاشكرایكردووە: كە رۆژی یەك شەممە 4ی ئەم مانگە دەست بە دابەشكردنی مووچەی وەزارەتی تەندروستی دەكەن و رۆژی دووشەممەش 5ی شوبات مووچەی وەزارەتی شارەوانی و گەشتوگوزار دابەشدەكرێت.
هەر بەپێی لیستەكە رۆژی سێ شەممە 6ی ئەم مانگە مووچەی وەزارەتەكانی داد و رۆشنبیری دابەش دەكرێت و رۆژی چوار شەممەش 7ی شوبات مووچەی دەزگای گشتی ئاسایش و رۆژی پێنج شەممەش 8ی شوبات مووچەی ئەنجومەنی ئاسایش دابەشدەكرێت.