لەشاری سلێمانی کونسوڵی کۆریای باشوور پڕۆژەیەکی بۆ گەشەپێدانی ئابووری هەرێم راگەیاند
رێکەوتی ۲٠۲٥/٥/٦ نەوزاد غەفور، سەرۆکی ژووری بازرگانی و پیشەسازی سلێمانی، ئارام بابان، ئەندامی ئەنجومەنی کارگێڕی ژووری بازرگانی سلێمانی، لە دامەزراوەی ڤیژن بەشداریانکر لە سمینارێکدا کە تیایدا، سیونچۆل لیم کونسوڵی گشتی کۆریای باشوور پڕۆژەیەکی بەناوی (دوو کەیس ئیکۆ بۆ گەشەپێدانی ئابووری هەرێمی کوردستان) راگەیاند.
لە پڕۆژەکەیدا کونسوڵی کۆریا زۆر بە ووردی باسی گرنگی بەدەستهێنانی متمانە و پێویستی بوونی ناوەندەکانی توێژینەوە و داڕشتنی سیاسەتی گەشەپێدان و پشت بەستن بە توانای ناوخۆیی کرد، وەک خاڵی بەهێز بۆ گەشەپێدانی ئابووری.
کونسوڵی کۆریا لە سیمینارەکەیدا باسی لە قۆناغەکانی گەشەسەندنی ئابووری کۆریای باشوری کرد و بەراووردی کرد بە هەرێمی کوردستان.
ئامادەبووانی سیمینارەکەش کە پێکهاتبوون لە بەرپرسانی باڵای حکومی پارێزگای سلێمانی و پسپۆڕان و ئەکادیمیەکان و وەبەرهێنەران و خاوەنکاران، گفتوگۆیان کرد دەربارەی گرفتەکانی بەردەم گەشەپێدانی ئابووری و چارەسەرەکان و دەرفەتەکان.