حەوتەمین پێشانگای کتێب لە شاری سلێمانی لەژێر ناوی خولی سەرۆک تاڵەبانی کرایەوە.
بەئامادەبونی بەڕێز(قوباد تاڵەبانی) جێگری سەرۆکی حکومەتی هەرێمی کوردستان و بەڕێز (شاناز ئیبراین ئەحمەد) خانمی یەکەمی عێراق و (نەوزاد غەفور)،سەرۆکی ژووری بازرگانی و پیشەسازی سلێمانی و محەمەد رەسوڵ،جێگری سەرۆکی ژوور و ژمارەیەک لە ئەندامانی ئەنجومەنی کارگێڕی ژوور و بەشێک لە وەزیرانی حکومەتی هەرێم و بەڕێوەبەرانی فەرمانگە حکومیەکانی پارێزگای سلێمانی، حەوتەمین پێشانگای کتێب کرایەوە.
لە حەوتەمین پێشانگای کتێبدا ٢٥٠ ناوەندو دەزگای جیاواز لە 16 وڵاتەوە بەشدارن کە لە٪٧٥ بەشداربوان دەرەکین و لە ٪٢٥ بەشداربوان ناوخۆین.
پێشانگای کتێب بۆ ماوەی ١١ ڕۆژ بەردەوام دەبێت لەناو بینای پێشانگای نێودەوڵەتی سلێمانی لە تاسڵوجە ڕۆژانە لە کاتژمێر ١٠ سەرلەبەیانی تا ٨ ئێوارە کراوە دەبێت.
