جێگری سەرۆکی ژووری بازرگانی سلێمانی بەشداری لە مێزگردی پەرە پێدانی داهێنان لە هەرێمی کوردستان دەکات.
ڕێکەوتی 2025/9/28 محەمەد ڕەسوڵ، جێگری سەرۆکی ژووری بازرگانی و پیشەسازی سلێمانی، بەهمەن عوسمان، ئەندامی ئەنجوومەنی کارگێڕی ژوور، بەشداریان کرد لە مێزگردی پەرە پێدانی کارسازی و داهێنان لە هەرێمی کوردستان.
کۆمپانیای ڕاوێژکاری ویدوو و پڕۆگرامی بەیەکەوە بۆ بنیادنانی شارەکەم کە لەلایەن حکومەتی هۆڵەنداوە پاڵپشتی دەکرێت، مێزگردێکی تایبەتی پەرە پێدانی کارسازی و داهێنان لە هەرێمی کوردستان، ئەنجامدا.
ئەم مێزگردە دەرفەتێک بوو بۆ بە فەرمی ناساندنی شێوازێکی تاقیکراوە و کەم خەرجی بۆ گۆڕینی ئەکادیمیای کوردستان بۆ بزوێنەری گەشەی ئابووری و دروستکردنی هەلی کار.