ژووری بازرگانی سلێمانی و پۆڵندا پەیوەندیەکانیان بەهێز دەکەن
ڕێکەوتی ۲۱/۷/۲٠۲٥ ، بەهمەن عوسمان، ئەندامی ئەنجومەنی کارگێڕی ژووری بازرگانی و پیشەسازی سلێمانی لە ووڵاتی پۆڵندا چاوی کەوت بە جێگری سەرۆک و بەرپرسی پەیوەندیەکانی دەرەوەی ژووری بازرگانی و پیشەسازی پۆڵندا.
لە دیدارەکەدا باس لەوەکرا هەردوولا کاربکەن بۆ زیاتر بەهێزکردنی پەیوەندیەکانی نێوانیان وە ئەنجامدانی واژۆکردنی لێکتێگەشتن نامەیەک بۆ بەرەو پێشبردنی کارەکان وە هاندانی کۆمپانیاکانی هەردولا بۆزیاتر کارکرنی هاوبەش
ئەندامەکەی ئەنجومەنی کارگێڕی ژوور داوایکرد ژووری بازرگانی پۆڵندا هانی کۆمپانیا پۆڵەندیەکان بدان بۆ ئەوەی بێنە شاری سلێمانی بەشداربن لە ئەنجامدانی دەرفەتەکانی وەبەرهێنان لە کەرتەکانی پیشەسازی و کشتوکاڵ و گەشتوگوزار بوارەکانی دیکەدا، وەبەشداریکردن لە پێشانگا نێودەوڵەتیەکاندا کەساڵانە لەشاری سلێمانی دەکرێتەوە.
جێگری سەرۆکی ژووری بازرگانی پۆڵندا، خۆشحاڵی خۆی دەربڕی بۆ هەنگاونان بەئاراستەی بەهێزکردنی پەیوەندیەکان لەنێوان هەردولادا بۆ زیاتر دروستکردنی کاری هاوبەش لەنێوانیاندا.