نوێنەری ژووری بازرگانی سلێمانی سەردانی پارێزگارە نوێیەکانی کرماشان و سنەی کرد.
ئەحمەد عەلی کەلاری، ئەندامی ئەنجوومەنی کارگێڕی ژووری بازرگانی و پیشەسازی سلێمانی، سەردانی پارێزگارە نوێیەکانی کرماشان و سنەی کرد بەمەبەستی گەیاندنی پیرۆزبایی و گفتوگۆ لەسەر پەیوەندییە بازرگانییەکانی نێوان هەر دوو لا.
ئەحمەد کەلاری: لەم سەردانەدا باسی ئەو دەرفەتانەی کرد کە لەدوای دابەزاندنی دەسەڵات بۆ پارێزگارەکان لەلایەن حکومەتی ئێرانەوە دروستبوون.
پارێزگارە نوێیەکانی کرماشان (د. مەنوشەر حەبیبی) وە پارێزگاری سنە (د. ئارش لاهونی) ڕایانگەیاند کە ئەم ڕێکارە خێرایی پرۆسەی کارەکان و ئاسانکاری بۆ بازرگانان زیاد دەکات.وە دەسەڵاتی تەواومان پێدراوە بۆ ئاسانکاری کردنی ئەو دەروازانەی لە سنووری دەسەڵاتیاندا هەیە لە ڕوی هاوردەکردن و هەناردە کردن.
نوێنەری ژووری بازرگانی و پیشەسازی سلێمانی داوای کرد لیژنەیەکی هاوبەش پێک بهێنرێت بە نوێنەرایەتی سەرجەم لایەنە پەیوەندی دارەکان بە ئەندامێتی ژووری بازرگانی و پیشەسازی سلێمانی لەنێوان هەر دوو پارێزگاکە بۆ کاروباری بازرگانی و پیشەسازی وە هەر کێشە و گرفتێک کە ڕووبەڕووی بازرگانان دەبێتەوە.
