نوێنەرانی ژووری بازرگانی سلێمانی سەردانی جێگری پارێزگاری سلێمانی دەکەن
ڕێکەوتی 29/7/2025 ژمارەیەک لە ئەندامانی ئەنجومەنی کارگێری ژووری بازرگانی و پیشەسازی سلێمانی، کەپێکهاتبون لە ئارام بابان، خالید حاجی علی، جەوهەر ستار، عوبێد ئەحمەد ، بەهمەن عوسمان، سەردانی (شاهۆ عوسمان) جێگری پارێزگاری سلێمانی یانکرد.
لەسەردانەکەدا نوێنەرانی ژووری بازرگانی و پیشەسازی سلێمانی، لە نزیکەوە باسیان لە کەرتی بازرانی و پیشەسازی سلێمانی کرد، وە داوایانکرد بەردەوامبن لە پشتیوانیکردنی کەرتی پیشەسازی وەک لە ڕابردودا پشتیوانبوون وە هیوایانخواست داوا لەتەواوی فەرمانگەکانی پارێزگای سلێمانی بکەن بۆ هاوکاری و کارئاسانی پیشەسازان.
لای خۆشیەوە جێگری پارێزگاری سلێمانی، خۆشحاڵی خۆی دەربری بەسەردانی نوێنەرانی ژووری بازرگانی و پیشەسازی سلێمانی ئامادەی خۆی دەربڕی بۆ هەموو هاوکاری و پشتیوانیەک لە پێناو سەرخستن و بەرزکردنەوەی گەشەکردنی کەرتی پیشەسازی و بازرگانی لە پارێزگای سلێمانی.