سەردانی نوێنەری ژووری بازرگانی سلێمانی بۆ گومرگی پەروێزخان لە ئێران.
ئەحمەد عەلی کەلاری، ئەندامی ئەنجوومەنی کارگێڕی ژووری بازرگانی و پیشەسازی سلێمانی، سەردانی گومرگی مەرزی پەروێزخانی لە ئێران کرد و لەلایەن بەڕێوەبەری گومرگەکە، (ئاغا چاوشی) پێشوازی لێ کرا.
لەم دیدارەدا، نوێنەری ژووری بازرگانی سلێمانی پیرۆزبایی دەستبەکاربوونی بەڕێوەبەری نوێی گومرگی کرد و باسی بەهێزکردنی پەیوەندییە بازرگانییەکانی کرد و هاوکاریکردن و کارئاسانی کردنی بازرگانان. هەروەها، ئاماژە بە چارەسەرکردنی هەر کێشەیەک لە سنوورە کرد کە ڕوو دەدات ئاسانکاری کردنی کاروباری بازرگانی.
لای خۆشییەوە بەڕێوەبەری گومرگی مەرزی پەروێزخان (اغا چاوشی) خۆشحاڵی خۆی دەربڕی بە سەر دانەکە و هاوکاری خۆی پیشاندا بۆ باشکردن و ئاسانکاری کردن بۆ بازرگانان لە سنوورەکەدا.
لایەنی ئێرانیش، ئاغا چاوشی، بەڕێوەبەری گومرگی پەروێزخان، خۆشحاڵی خۆی دەربڕی لەم سەردانە و پشتڕاستی کردەوە کە هەوڵی زیاتر دەدات بۆ باشترکردنی کاروباری بازرگانی و یارمەتیدانی بازرگانان لەم سنوورە.
ئەم سەردانە بەشێکە لە هەوڵەکانی ژووری بازرگانی سلێمانی بۆ چاککردنی کاروباری بازرگانی و کارکردن لەگەڵ لایەنە ئێرانییەکان بۆ چارەسەری کێشەکانی بازرگانان لە سنووری پەروێزخان.