هەناردەی ئێران بۆ عێراق زیاد دەكات

هەناردەی ئێران بۆ عێراق زیادی كردووە، بەڵام ئەو وڵاتە هەرگیز نەیتوانیوە ركابەری بەرهەمی وڵاتانی تر بكات و ئیمارات و سعوودیە ئەو دوو وڵاتەن دەیانەوێت پێگەی خۆیان لە بازاڕەكانی عێراق جێگیرتر بكەن.

سەید حەمید حوسێنی ئەندامی دەستەی سەرۆكایەتی ژووری هاوبەشی بازرگانی ئێران و عێراق ئاشكرای كرد، هەناردەی ئێران بۆ عێراق لە ماوەی مانگی رابردوودا لە 950 ملیۆن دۆلارەوە بۆ دوو ملیار و 350 ملیۆن دۆلار زیادی كردووە، ئەمەش سەرووی دوو هێندەیە.

ئەو پێی وایە ئەو بەرزبوونەوە زۆرە، شتێكی ئاسایی نییە و پێدەچێت پێوەندی بە هەناردەی گازی سروشتییەوە هەبێت، لەوانەیە لە پڕ حیسابەكانی چەند مانگی رابردووی هەناردەی گاز كۆ كرابێتەوە و لەو مانگەدا خرابێتە روو.

هاوكات وڵاتانی سعوودیە و ئیمارات هەوڵی ئەوە دەدەن هەنگاوەكانیان لە هەناردەی بەرهەمەكان بۆ عێراق خێراتر بكەن، جگە لەمانە توركیاش لە هەوڵی ئەوەدایە بۆشایی كەمبوونەوەی هەناردەی چین بۆ عێراق كەم بكەنەوە.

زۆرترین هەناردەی چین بۆ عێراق پێوەندی بە ئەلەكترۆنیات هەیە و لە هیندستانیشەوە پێداویستی تەندروستی و كاشی و سرامیك و بەرهەمەكانی رستن هەناردە دەكرێت.

بەگوێرەی پەیامێ فۆری هەریەك لە وڵاتانی ئێران، هیند، ئوردن، توركیا و چین هەر كامێكیان پشكێك لە هەناردە و بازاڕی عێراقیان كۆنترۆڵ كردووە، كاتێك زیان بەر بازاڕی عێراق دەكەوێت، زیانەكە بۆ هەموو ئەو وڵاتانەیە كە ناتوانن وەك پێویست بەرهەمەكانیان ساغ بكەنەوە.

هەر لە كۆنەوە دۆخی توركیا بەراورد بە وڵاتەكانی تر باشتر بووە و ئێران ویستوویەتی ببێتە ركابەرێكی سەرسەختی توركیا لە بازاڕەكانی عێراق، بەڵام لەمبارەیەوە هەرگیز سەركەوتوو نەبووە.


PM:03:21:09/07/2021




ئه‌م بابه‌ته 281 جار خوێنراوه‌ته‌وه‌‌