داھاتی نەوتی عێراق مانگی ئایار لە بەرزترین ئاستدا بووە


لیژنەی نەوت و وزە و سامانە سروشتییەکانی ئەنجومەنی نوێنەرانی عێراق رایگەیاند، داھاتی نەوتی عێراق مانگی ئایار لە بەرزترین ئاستدا بوە و ٥ ملیار و ٥٠٠ ملیۆن دۆلاری تێپەڕاندووە.

لیژنەکە لە راگەیەندراوێکدا بڵاویکردووەتەوە ، مانگی ئایار عێراق بەرمیلێک نەوتی بە ٦٢ دۆلار فرۆشتوە و کۆی گشتی داھاتەکەی گەیشتووەتە نزیکەی ٥ ملیار و ٥٠٠ ملیۆن دۆلار، ئەوەش بەرزترین داھاتە کە لە کۆتاییەکانی ٢٠١٩ەوە عێراق لەرێی فرۆشتنی نەوتەوە پێی گەیشتبێت. 

ھەر لە راگەیەندراوەکەدا رەخنەی توند ئاراستەی حکومەت کراوە و ئاماژە بۆ ئەوە کراوە، سەرباری ئەوەی داھاتی نەوتی و نا نەوتی عێراق بەشێوەیەکی زۆر باش بەرز بووەتەوە، بەڵام رەوشی ئابوری لە وڵاتەکەدا تائێستا ناجێگیرە.

 


PM:03:06:31/05/2021




ئه‌م بابه‌ته 243 جار خوێنراوه‌ته‌وه‌‌