پاش 16 ساڵ جارێكی دیكە كیا لۆگۆی خۆی گۆڕی

پاش 16 ساڵ، جارێكی دیكە كۆمپانیای كیا لۆگۆی خۆی گۆڕی و ئاماژەش بۆ ئەوە دەكات، ئەو گۆڕانكارییە "بوێریی کۆمپانیاکەیە”.

لە ڕاگەیاندراوێكی كۆمپانیای كیادا كە ئەمڕۆ یەكشەممە 10ی كانونی دووەم هاتووە، "لۆگۆی نوێ گوزارشت لە خواستەکانی کیا دەکات بۆ دامەزراندنی پێگەی سەرکردایەتی لە پیشەسازیی گواستنەوەی دواڕۆژدا، بە نوێکردنەوەی نزیکەی هەموو ڕووە بازرگانییەکەی”.

كۆمپانیاكە ئەوەشی خستوەتەڕوو، "لۆگۆكە هێمایە بۆ ئامانجی مۆرکی نوێی کیا و ئەو بە هایانەی کە بەڵێن دەدات لە ڕێگەی بەرهەم و خزمەتگوزارییەکانی داهاتوو پێشکەش بە کڕیارانی بکات”.

لەبارەی شێوازی لۆگۆ نوێیەكەی، كیا ئاماژەی بەوەكردووە، "پەرە بە لۆگۆ نوێیەكە دراوە بۆ ئەوەی لە واژوویەکی دەستنوس بچێت بە هێڵێکی ڕیتمی، نەشکاوی لۆگۆکە پابەندبوونی کیا دەگەیەنێت بۆ ئیلهامکردنی خەڵک، لەکاتێکدا کە هاوسێیەکەی متمانە بە خۆکردن نیشان دەدات”.

هۆ سانگ سۆنگ، سەرۆک و بەڕێوبەری کۆمپانیای کیا لە ڕاگەیاندراوەكەدا ئاماژەی بۆ ئەوە كردووە، "لۆگۆی نوێی کیا گوزارشت لە پابەندبوونی کۆمپانیاکە دەکات بە بوون بە ئایکۆنێک بۆ گۆڕانکاری و داهێنان”.

سەرۆكی كۆمپانیاكە ئەوەشی وتووە، "پیشەسازیی ئۆتۆمبێلەکان بە ماوەیەکی خێرای گۆڕانکاریدا تێپەڕ دەبێت، کیا بە شێوەیەکی چالاک دەگوزەرێت و خۆی لەگەڵ ئەم گۆڕانکارییانەدا دەگونجێنێت لۆگۆی نوێمان گوزارشت لە خواستی ئێمە دەکات بۆ ئەوەی زیاتر بە کڕیارەکان ببەخشن لە کاتێکدا کە جوڵەیان پێویستی بە گەشەسەندن هەیە”.

ئەوەش لەكاتێكدایە، لە ساڵی 1994 كیا لۆگۆكەی پێشووی دانا، دواتر لە ساڵی 2004دا گۆڕانكارییەكی بچوكی بەسەردا هێنا و ئێستاش جارێكی دیكە گۆڕانكاری بەسەردا هێنایەوە.


PM:10:27:10/01/2021




ئه‌م بابه‌ته 249 جار خوێنراوه‌ته‌وه‌‌