ژمارەیەك ڕێنمایی نوێی دەرهێنان و نوێكردنەوەی پاسپۆرت بڵاوكرایەوە


بەرێوەبەرایەتی پاسپۆرتی سلێمانی ژمارەیەك ڕێنمایی نوێی لەسەر دەرهێنان و نوێكردنەوەی پاسپۆرت راگەیاند.

بەڕێوەبەرایەتی پاسپۆرتی پارێزگای سلێمانی ئاشكرایكردوە، بەپێی ڕێنماییەكان منداڵی دووانە (جمك) نابێت هەمان جلوبەرگیان پۆشی بێت و هەر هاووڵاتییەكیش تەمەنی لەخوار ساڵی 1960ەوە بێت پێویستە كوڕێك یان كچێكی لەگەڵ بێت و پێناسی باری شارستانی یان كارتی نیشتمانی پێبێت.

دەشڵێت، هاووڵاتیان ئاگاداردەكەینەوە كە لەكاتی دەرهێنان و نوێكردنەوەی پاسپۆرت پێویستە لەكاتی وێنەگرتندا لەبەردەم ئەفسەری پاسپۆرت چاویلكەی لەچاونەبێت و كاسكێت و كڵاوی لەسەر نەبێت و لەدوای نەشتەرگەری جوانكاری لەزگە بەلووتییەوە نەبێت و دەموچاویشی برینداری بەرچاوی پێوەنەبێت.

پاسپۆرتی سلێمانی رونیشكردوەتەوە، بۆ منداڵی دووانە "جمك" نابێت هەمان جلوبەرگیان پۆشی بێت و هەر هاووڵاتییەكیش تەمەنی لەخوار ساڵی 1960 ەوە بێت پێویستە كوڕ یان كچێكی لەگەڵ بێت و پێناسی باری شارستانی یان كارتی نیشتمانی پێبێت و لەكاتی دەرهێنان و نوێكردنەوەی پاسپۆرت بۆ منداڵی خوار 18 ساڵ ئەگەر باوكی لەژیاندا نەمابێت پێویستە (حجە الوصایه) ی پێبێت.

بەڕێوەبەرایەتیەكە بڵاویشتی كردووەتەوە كە هەر هاووڵاتییەك پەنجەمۆری خۆی وەرنەگیرا و پەنجەمۆری كەسی نزیكی وەرگیرابوو، دەبێت لەكاتی وەرگرتنەوەی پاسپۆرتەكەیدا هەمان كەسی لەگەڵدابێت، هەروەها بەخێوكار دەتوانێت پاسپۆرتی منداڵەكانی لەخوار تەمەنی 18 ساڵییەوە وەربگرێتەوە بەبێ ئامادەبوونی منداڵەكەی.


PM:08:55:14/07/2019




ئه‌م بابه‌ته 303 جار خوێنراوه‌ته‌وه‌‌