عادل عەبدولمەهدی داوا لە حكومەتی هەرێم ده‌کات پابەندبێت به‌ یاسای بودجەی گشتیه‌وه‌


عادل عەبدولمەهدی سەرۆك وەزیرانی عێراق لە كۆنگرەی ڕۆژنامەوانی هەفتانەی خۆیدا داوای لە حكومەتی هەرێمی كوردستان كرد پابەندی خۆی بە یاسای بودجەی گشتی عێراقەوە بسەلمێنێت و رۆژانە 250 بەرمیل نەوت تەسلیمی بەغدا بكات. 

سەرۆك وەزیرانی عێراق تەئكیدی كردەوە كە پێویستە هەرێمی كوردستان یاسای بودجەی گشتی جێ بەجێ بكات و رۆژانە 250 هەزار بەرمیل نەوتی خاو تەسلیمی بەغدا بكات.

وتیشی حكومەتەكەی بەرنامەیەكی داناوە بۆ پەرەپێدانی دامەزراوەكانی دەوڵەت لەماوەی دیاریكراوی جیاجیادا و ئاماژەی بەوەشكرد كە بەهۆی بەرزبوونەوەی ئاست و بڕی ئاوەوە جوتیاران خواستێكی زۆریان لادروست بووە بۆ پەرەپێدانی كەرتی كشتوكاڵ. 

سەبارەت بە گرژی و ئاڵۆزیەكانی نێوان ئەمریكا و ئێران و كاریگەرییەكانی لەسەر ڕۆژهەڵاتی ناوەراست سەرۆك وەزیرانی عێراق وتی بەغدا لەگەڵ ئەوەدا نیە گرژی و ئاڵۆزیەكان زیاتر بكرێن و ئامادەشە رۆڵی ناوبژیوانی ببینێت بۆ ڕێگرتن لە ئاڵۆزبوونی ناوچەكە.


AM:09:54:26/06/2019




ئه‌م بابه‌ته 144 جار خوێنراوه‌ته‌وه‌‌